Aurstad har fått nye tunneloppdrag og har difor behov for å styrkje laget vårt. Vi søkjer etter følgjande: formann tunnel, tunnelarbeidarar, anleggsmekanikar og sprøyteoperatørar med erfaring.

Aurstad er eit norsk anleggsentreprenørkonsern som byggjer infrastruktur, som til dømes vegar og tunnelar, flyplassar, kraftanlegg og kommunaltekniske anlegg. Hovudkontoret vårt ligg i Hovdebygda i Møre og Romsdal, men vi har også kontor i Nordfjordeid, Ålesund og Bodø. Marknadsområdet vårt er hovudsakleg Vestlandet, men vi tek på oss prosjekt i store delar av Noreg.

Vi har om lag 150 tilsette i Aurstad. Arbeidarane er kjernen i firmaet og legg grunnlaget for suksessen vår. Difor er det viktig at dei tilsette våre har god kompetanse, er gode lag- og relasjonsbyggjarar og er motiverte. Vi treng arbeidarar som viser ansvar, tek initiativ og er engasjerte i arbeidet sitt. Dette er avgjerande for å skape effektiv drift i prosjekta våre.

Vi søkjer deg som helst har følgjande kompetanse/eigenskapar:

• Fagbrev i fjell- og bergverksfaget
• Praktisk erfaring med berginjeksjon for underjordsanlegg
• S2 sprøytebetong til bergsikring
• Bergsprengjarsertifikat
• Førarkort kl. C
• Kompetansebevis for masseforflyttingsmaskiner
• ADR-sertifikat
• Gode norskkunnskapar, munnleg og skriftleg
• Erfaring frå tilsvarande arbeid
• Fokus på kvalitet og HMS
• Engasjert og løysingsorientert
• Sjølvstendig, men trivst også med å jobbe saman med andre med varierte oppgåver

Vi tilbyr:

• Godt arbeidsmiljø
• Ein innovativ arbeidsplass der du får vere med å skape
• Ryddige bu- og arbeidsforhold
• Konkurransedyktige vilkår med gode lønns- og pensjonsordningar, AFP-bedrift

Søknadsfrist: Søknadar vert vurderte fortløpande

Kontaktinformasjon: Fagansvarleg tunnel Andor Ørstavik Håskjold, tlf.: 907 55 838

Kunne dette vore interessant for deg? Send oss ein søknad og din CV i skjemaet under: