Hovudtilkomst Ålesund sjukehus

Dette var eit forprosjekt for rehabilitering og nybygg som skal gjerast for Ålesund sjukehus. Hovudinngangen skulle flyttast og tilkomstområdet utanfor måtte tilpassast.

Tilkomsten består av både ein ny hovudinngang og eit romsleg tilkomsttorg, som heng godt saman med kvarandre og omgivnadane. Kryssingspunktet over Åsesvingen blei utforma på ein trygg måte for mjuke trafikantar. God lyssetting og opphøgd overgangsfelt med heller og fjernvarme. Dette er tiltak som skal gi fotgjengarane førsteprioritet, og gjer bilistane oppmerksam på kryssingspunktet.

Hovudgrepet gir prioritert god plass til av- og påstigning, “kryss og køyr”. I tillegg blir det korttidsparkering og handicap-parkering tett til tilkomsttorget, og gode løysingar for sykkelparkering. I gangtilkomsten blei det gangveg frå køyrbar veg og parkering til inngangsparti og opphaldsareal utandørs, samtidig som det blei gangveg mellom byggverk og opphaldsarel. Gangtilkomsten er no fri for hinder og utstikkande element frå byggverket, slik at fare for samanstøyt blir unngått.