Nytt tunnelprosjekt i Rogaland
Aurstad har fått oppdraget om å oppgradere Hølleslitunnelen.

Hølleslitunnelen
Hølleslitunnelen ligg i Strand kommune og blei bygd i 1993. Den er 822 meter lang og er ei viktig trafikkåre gjennom Ryfylke i Rogaland. I samarbeid med OneCo skal vi no oppgradere Hølleslitunnelen for at den skal oppfylle dagens krav. Aurstad skal i dette prosjektet levere alt av grunn- og sprengingsarbeid.
– Vi er glade for at vår kompetanse og erfaring knytt til denne type prosjekt blir anerkjent. Vi har i tidlegare hatt tilsvarande prosjekt saman med OneCo og skal på nytt lever eit godt prosjekt i fellesskap, seier administrerande direktør i Aurstad, Jo Stian Tverberg.
Fleire tiltak
I samarbeid med OneCo er det ei rekke tiltak som skal gjerast for å oppgradere Hølleslitunnelen. Her er tiltaka Aurstad skal gjennomføre:
- Rive eksisterande vass- og frostsikring i tunnelen.
- Etablering av røyrleidning for framtidig sløkkevatn i tunnel
- Reinsk og sikringsarbeid
- Sprenge for havarinisje og stoll for teknisk bygg samt mindre utvidingar av tunnelprofil
- Oppgradere eksisterande sandfang
- Nye føringsvegar for høgspent, lågspent og fiber
Tunnelkompetanse
Aurstad har mykje erfaring med både bygging og oppgradering av tunnel, og har oppgradert fleire tunnelar dei siste åra. No ser vi fram til å setje i gang arbeidet med å oppgradere nok ein tunnel, samtidig som vi får fortsette samarbeidet med ein særs kompetent aktør.
– Dette er eit av fleire tunelloppgraderingsprosjekt vi har gåande. Det er fleire samanfallande arbeidsprosessar i prosjekta, noko som gir oss gode forutsetningar for å levere på ein effektiv og god måte. Det gode samarbeidet med OneCo som vi har er også avgjerande for eit godt sluttresultat. Vi gler oss til å ta fatt på arbeidet, seier Jo Stian Tverberg.
Planlegging og rigging av prosjektet er allereie godt i gang, og fleire Aurstad-maskinar står klare i Strand kommune for å sette i gang arbeidet. Byggherre for prosjektet er Statens vegvesen.
Aurstad har hatt fleire tunnelprosjekt dei siste åra. I 2025 har vi allereie satt i gang med to nye tunnelprosjekt – Selvågtunnelen og Hølleslitunnelen. Det blir fleire nye prosjekt, så følg gjerne med i tida framover.
For å få eit innblikk i Aurstad-livet, følg oss gjerne på Facebook for fleire oppdateringar frå prosjekta våre.