Vi har hatt overlevering av prosjektet vårt på Kongshaugen.

Aurstad fekk i fjor oppdraget med å etablere fortau langs Kongshaugstranda og klargjere tomta til administrasjonsbygget ved Kongshaugen reinseanlegg. Arbeidet er no ferdig, og den 21. mai gjekk vi gjennom det ferdige prosjektet i lag med Ålesund kommune og Sula kommune, som er byggherre i prosjektet.

– Vi er godt fornøgde med resultatet av utført arbeid. Det er gjort et godt stykke arbeid av våre arbeidarar og av innleigd mannskap i prosjektet, seier prosjektleiar Øystein Tytingvåg.

Tomta til det nye administrasjonsbygget ved Kongshaugen reinseanlegg står no klar og fortau har blitt etablert. Aurstad sitt arbeid har vore forberedande til komande entreprisar for reinseanlegget på Kongshaugen. Prosjektet kallast Blå Fjordar, og det er eit felles prosjekt mellom Sula og Ålesund for å forbetre avløpsbehandlinga og sikre reinare fjordar. Aurstad har gjort ei rekke komplekse tiltak i dette prosjektet.

Det synlege arbeidet på overflata er at vi har etablert ein ny og brei veg med fortau. Fortauet er på opptil tre meter breidde. Vi har også etablert gatelys og nytt overvatn-system.

Aurstad sitt arbeid har vore forberedande til komande entreprisar for reinseanlegget på Kongshaugen. Vi har gjort forberedande arbeid med å ta ut forskjæring til neste entreprise, som er tunnelentreprisen som tek ut tunnel og fjellhallar. Aurstad har sprengt ut og fjerna om lag 26 000 m3 med fast fjell i påhogget til tunnelane og i ny veglinje. I tillegg er det lagt nær 10 000 meter med røyr i ulike variantar. Alt frå enkle trekkerøyr for fiber til større stikkrenner på 600 mm, og trykkrøyr som er sveisa.

– Sjølv om det tidvis har vore eit krevjande prosjekt, har vi til slutt gjennomført ei stor oppgradering i forhold til tidlegare standard. Prosjektet opnar opp for vidare utvikling for område, seier prosjektleiar Øystein Tytingvåg.

Aurstad tilbyr ei rekke tenester og har gjennomfører fleire ulike prosjekt. Sjekk ut nokon av våre prosjekter her: