Tildelt nytt prosjekt

I dag signerte Aurstad kontrakten for oppgradering av Selvågtunnelen.

Tildelt nytt prosjekt 1
Torbjørn Vatnehol (Prosjektsjef Møre og Romsdal fylkeskommune) og Cato Aurstad (Driftsdirektør Aurstad Tunnel AS) frå dagens kontraktsignering. Aurstad er glade for å fortsette det gode samarbeidet med Møre og Romsdal fylkeskommune.

Lokalt prosjekt

Selvågtunnelen (1069m) er ein tunnel på fylkesveg 653 i Ulstein kommune i Møre og Romsdal. I 2025 skal Selvågtunnelen utbetrast for å imøtekomme tunneltryggleiksforskrifta. Aurstad er allereie godt i gang med å planlegge det spennande arbeidet som startar rett over nyåret.

-Det er alltid flott å bli vurdert som den beste tilbydaren når både pris, kvalitet, miljø og berekraft er vurdert. Vi har tidlegare gjennomført tilsvarande prosjekt og er viss på at dette prosjektet skal gjennomførast på ein god og effektiv måte, der vi tek omsyn til både miljø og trafikantar. Vi er også glade for å ha denne type prosjekt i nærområdet, seier Jo Stian Tverberg, administrerande direktør i Aurstad.

Tildelt nytt prosjekt 2
Selvågtunnelen. Foto: Møre og Romsdal fylkeskommune.

Kontrakten har ein verdi på om lag 127 mill. ekskl. mva. Arbeida i tunnelen vil starte på nyåret og halde fram til seinhausten i 2025. Arbeida i tunnelen blir gjort som kvelds- og nattarbeid, med arbeidstid mellom kl. 20.00 og 06.00 alle dagar.

Arbeida som skal gjennomførast i tunnelen er mellom anna:  

  • Etablering av brannventilasjon i tunnelen
  • Etablering av naudstasjonar for kvar 250 m
  • Etablering av ny belysning
  • Etablere høgdehinder og bommar på utsida av tunnelen
  • Utskifting av vatn- og frostsikring og forsterking av bergsikringa i tunnelen
  • Bygging av to nye tekniske bygg på utsida av tunnelen
  • Auke frihøgda i tunnelen

Aurstad har lang erfaring med bygging av tunnelar i ulike typar tverrsnitt og klasser. Vi har blant anna levert mange spesialtunnelar innanfor kraft, men også konvensjonelle vegtunnelar. Aurstad utfører også tunellrehabilitering med driving av tverrslag, strossing osv.

Vi gjennomførte nyleg eit tunnelprosjekt for Møre og Romsdal fylkeskommune. Då vart Remetunnelane i Haram kommune oppgradert. Dei siste åra har vi hatt også hatt fleire tunnelprosjekt, som blant anna Tanem-Tulluan, Bjerka vassveg og Dam Strandevatn. No ser vi fram til å setje i gang arbeidet med Selvågtunnelen.