Sandesambandet

Vi har bygd to heilt nye ferjekaier, og oppgradert to. Sandesambandet står no klar til å ta imot større ferger, og sikrar øybuarane meir stabil mobilitet til omverda i mange nye år framover. Sandesambandet som utgjer ferjekaiene på Larsnes, Voksa, Kvamsøya og Åram, er hovudferdselsåra til mange folk og bedrifter som er heilt avhengig av ferjetrafikken.

Vi har breiddeutvida brubåsar, bygd nye landkar, levert komplette ferjebruer, bygd nye fullverdige kaikonstruksjonar i stål, og lagt opp nye tekniske installasjonar, som EL, VA og hydraulikk i tilknyting til kaiene. Vidare har vi mudra og undervassprengt 3 500  m³ sjøbotn.  

 Ferjekaiene som vart oppgradert: 

• Larsnes ferjekai 
• Voksa ferjekai
• Kvamsøya ferjekai 
• Åram ferjekai

Det er satt 996 m med pelar. 277 m med spunt og 140 m stålkjerner. Det er vidare satt 192,5 tonn armering og støypt 890 m³ betong. Ytst på kaiene har vi bygd dykdalb, som er ein kraftig betongkonstruksjon, også den fundamentert med bora stålrøyrspelar.

Stålkaiene er bygd opp seksjonsvis av hovudbjelkar i HE1000B som skrudde sambindingar, samansett med to pelerekker, ved hjelp av skråstag og horisontalstag. Langs hovudbjelken er det fastmontert utstyr som gangbane, tekniske føringar, lysmaster og rekkverk. Ferjebruene er hengt opp i nye heisetårnrammer, som er ein konstruksjon av indre og ytre heisetårn, sikringsbjelke og støttestag, forankra i nyetablert landkar-konstruksjonar av betong.

På land har vi bygd fundament for ilandføring av tilleggskai, vi har etablert grøfter for teknisk anlegg, vi har montert nye aggregathus og andre konstruksjonar for EL, VA og hydraulikk. Til slutt har vi lagt ny masse på oppstillingsplassar og avslutta med ny asfalt og vegoppmerking. I tillegg har vi utført eit komplekst rivingsarbeid av gamle kaikonstruksjonar av betong og stål.